Էլիտ-Մեդ բժշկական կենտրոն

Երևան, Հակոբ Հակոբյան 3/15

Էլ.հասցե:

[email protected]

Աշխատանքային ժամեր

Երկ-Շբթ: 8.30am - 7.00pm

Title

Autem vel eum iriure dolor in hendrerit in vulputate velit esse molestie consequat, vel illum dolore eu feugiat nulla facilisis at vero eros et dolore feugait.

Tag Archive

“Կուրու” հիվանդությունը

Այս հիվանդությունը, որը հայտնաբերվել է քսաներորդ դարի սկզբին, արդարացիորեն համարվում է աշխարհի ամենահազվագյուտ հիվանդություններից մեկը և հանդիպում է առավելապես Նոր Գվինեայի բարձր լեռնային գոտիներում ապրող Ֆորե ցեղի աբորիգենների մոտ: ”Կուրու” բառը նրանց լեզվով երկու նշանակություն ունի` դող կամ փչացում, անպետքացում: Որոշ աղբյուրներում այն հիշատակվում է նաև որպես ”ծիծաղող մահ”, քանի որ ի թիվս այլ ախտանիշերի, երբեմն հիվանդի դեմքին գծագրվում է ձգված միմիկական ժպիտ, ինչպես փայտացման ժամանակ: Սակայն այդ եզրույթը տրվել է արևմտյան հոդվածագիրների կողմից. իրենք, ցեղի ներկայացուցիչները, այդ հիվանդությունը երբեք այդպես չեն անվանում:

Հիվանդությունը տարածվել է մարդակերության ծիսակատարումների միջոցով, երբ մասնակիցները ուտում էին նաև զոհի ուղեղը: Քսաներորդ դարի երկրորդ կեսից հանիբալիզմի վերացման հետ գրեթե վերացավ նաև կուրուն, սակայն երբեմն դրսևորվում է առանձին դեպքերում, քանի որ այդ հիվանդության ինկուբացիոն շրջանը տևում է մոտ հիսուն տարի: 1966-ից մինչև 2004 թվականն ընկած ժամանակահատվածում արձանագրվել է կուրույի 11 դեպք:

Կուրու հիվանդության կլինիկական առանձնահատկությունները համեմատած մյուս պրիոնային հիվանդությունների հետ առավել սերտորեն վերաբերում են Կրեյցֆելդ-Յակոբի հիվանդությանը: Այս հիվանդության կլինիկական առանձնահատկությունները բաղկացած են վարքային, մտավոր, վերջութային և զգայական խանգարումներից: Ընդհանուր վաղ ախտանշանները ներառում են դեպրեսիա, անհանգստություն, անքնություն և պաթոլոգիկ անտարբերություն:

Հիվանդության առաջին շրջանում մարդը աստիճանաբար կորցնում է քայլելու ունակությունը, այնուհետև բոլոր շարժումները կտրուկ սահմանափակվում են, տեղի են ունենում մկանների ակամա կծկումներ, զարգանում է թուլամտություն:  

Այս սարսափելի հիվանդության ճշգրիտ պատճառը ոչ ոք չգիտի: Այն, որ փոխանցվում է հանիբալիզմի` մասնավորապես ուղեղ ուտելու միջոցով, ապացուցված է: Ծիսական հանիբալզիմի ընթացքում ամենավարակված մասը` ուղեղը, տալիս էին հիմնականում կանանց և երեխաներին, հետևաբար հիվանդության հարվածի տակ առավելապես նրանք էին:

Ենթադրվում է, որ հիվանդը վարակվում է պրիոն վիրուսով, սա հատուկ սպիտակուց է, որը ունի վիրուսի հատկություններ: Զուգահեռ զարգանում է սպունգանման էնցեֆալոպաթիա, այսինքն, ուղեղը աստիճանաբար փափկում ու քայքայվում  է այնպես, որ նմանվում է սպունգի:

Առաջին ախտանիշների հայտնվելուց հետո հիվանդությունը տևում է չորս ամսից մինչև երկու-երեք տարի և առանց բացառության բոլոր դեպքերում հանգեցնում է մահվան:

Այս հիվանդության բուժման արդյունավետ որևէ մեթոդ չկա: Բուժումն ուղղված է միայն ախտանիշների դրսևորումների թուլացմանը: Չկան նաև մշակված դիագնոստիկ թեստեր` կոնկրետ ախտորոշում կայացնելու համար:  Ճշգրիտ ախտորոշումը իրականում է միայն մահից հետո կենտրոնական նյարդային համակարգի պաթոլոգիական անալիզով:

Please follow and like us: