Էլիտ-Մեդ բժշկական կենտրոն

Երևան, Հակոբ Հակոբյան 3/15

Էլ.հասցե:

[email protected]

Աշխատանքային ժամեր

Երկ-Շբթ: 8.30am - 7.00pm

Title

Autem vel eum iriure dolor in hendrerit in vulputate velit esse molestie consequat, vel illum dolore eu feugiat nulla facilisis at vero eros et dolore feugait.

Tag Archive

Պարանոցային հատվածի ճողվածքը

Ողնաշարի պարանոցային հատվածի ճողվածքը դեռ շատ երիտասարդ հասկացություն է,  այն անցյալ դարի 80-ականներին դեռևս գոյություն չուներ: Հարկ է նշել, որ այս հասկացությունը  փոխարինել է այնպիսի ախտորոշումներ, ինչպիսիք են օստեոխոնդրոզը, ռադիկուլիտը, լումբալգիան և  դորսալգիան, որոնք բավական անպարզ էին: «Ճողվածք» տերմինի գրագիտության հարցը ինքնին հարցականի տակ է դրված, քանի որ պաթոլոգիայի եւ պաթոֆիզիոլոգիայի առումով աճուկային և պորտային ճողվածքների հետ համեմատության եզրեր չկան: Այդ հասկացությունը հայտնվել է մագնիսա – ռեզոնանսային տոմոգրաֆիային (ՄՌՏ) զուգահեռ, երբ նկարներում ոսկորներից բացի տեսանելի են դարձել նաև փափուկ հյուսվածքները, և այդ տարիներին արձանագրված պատկերների մեկնաբանությունները մինչև այժմ կորեկցիայի չեն ենթարկվել:

Միջողային սկավառակի ճողվածքը ինքնին հիվանդության հիմնական բարդությունն է, ինչպիսին է ողնաշարի օստեոխոնդրոզը: Այս հիվանդությունը դրսևորվում է այն բանի շնորհիվ, որ միջողային սկավառակի առաձգականության նվազման շնորհիվ, երբ չափից ավելի առանցքային բեռնվածություն է տեղի ունենում, մանրաթելային օղակը կոտրվում է, և փշրված կորիզը քայքայվում է, որից հետո միջողային սկավառակը դառնում է ոչ լիարժեք և այլևս չի կարողանում իրականացնել իր ամորտիզացիոն գործառույթները:

Պետք է նկատել, որ արևմուտքում <<ճողվածք>> բառը չի գործածվում, քանի որ այնտեղ տվյալ տեսակի խնդրի նկատմամբ չափազանց լուրջ է վերաբերմունքը, ինչը կարող է բացասական ազդեցություն ունենալ պացիենտի հոգեբանության վրա: Մեզ մոտ բժշիշկները, ՄՌՏ նկարի վրա ճողվածք հայտնաբերելիս սկսում են վախեցնել պացիենտին: Ձեզ կարող են պատմել ձեր վերջույթների հնարավոր պարալիչների, չորացումների մասին …Սակայն պրոֆեսիոնալ մասնագետների մեծամանությունը նման բաների չի բախվել, այդ պատճառով չարժե վախենալ տվյալ հիվանդության այդչափ սարսափեցնող հետևանքներից: Միայն պետք է հիշել այն փաստը, որ նա, ով ցանկանում է բուժվել, անպայման բուժվու՛մ է: Կարևոր է խորհրդատվություն ստանալ վերականգնողական բժշկության փորձառու և որակավորված մասնագետների կողմից, ոչ թե վազել նեյրովիրաբույժի մոտ՝ վիրահատական բուժում ստանալու համար: Օրգանիզմը ինքնակարգավորվող և ինքնավերականգնվող համակարգ է (Պավլով), կարևոր է ստեղծել պայմաններ, որոնք կնպաստեն օրգանիզմի այդ ընդունակությունների իրականացմանը: Արդեն ավելի քան 15 տարի կինեզիթերապիայի մասնագետները (բ. գ. դ. պրոֆեսոր Ս. Մ. Բուբնովսկու մեթոդով) Ռուսաստանում և արտասահմանում աշխատում են այդ ուղղությամբ առանց դեղորայքային կամ վիրահատական միջամտության: Կարևոր է հաշվի առնել, որ ողնաշարի պարանոցային հատվածի բուժման ժամանակ արդյունավետ չեն կարող լինել բուժման այն մեթոդները, որոնք կիրառվում են գոտկային հատվածի ճողվածքների ժամանակ: Դրա գլխավոր պատճառը այդ երկու հատվածների անատոմիական տարբերության մեջ է: Այդ իսկ պատճառով կինեզիթերապիայի ծրագիրը ընտրվում է ինդիվիդուալ՝ ներառելով պաթոլոգիայի դաշտը:

Այդ հիվանդությունը ախտորոշելը բարդ խնդիր չէ, քանի որ ՄՌՏ-ի (մագնիսա-ռեզոնանսային տոմոգրաֆիա) օգնությամբ բժիշկը սովորաբար հեշտությամբ որոշում է ճողվածքի չափը, իսկ միոֆասցիալ հետազոտությունը թույլ է տալիս որոշել ինքնին հիվանդության դրսևորումը: Սակայն եթե ցանկանում ենք որոշել ողնաշարային հատվածում անոթների արյան շրջանառության վրա ճողվածքների ազդեցությունը, այդ դեպքում կիրառում են գլխի և պարանոցային հատվածների ուլտրաձայնային դոպլերոգրաֆիա: Բավական հաճախ պարանոցային հատվածում ճողվածքները ձևավորվում են ծննդյան տրավմաների ժամանակ, սկոլիոզների առկայության դեպքում, պրոֆեսիոնալ սպորտի հետևանքով կամ այնպիսի աշխատանքի, որը կապված է մշտապես համակարգչի առաջ միևնույն դիրքով նստելու հետ, ինչը հանգեցնում է ողնաշարի վրա բարձր առանցքային ծանրաբեռնվածության (գլխի ճնշումը ուղղահայաց դիրքում): Միևնույն ժամանակ տվյալ հատվածն առավել շարժունակ է, քան մյուսները, ինչն ավելի է մաշեցնում ողնաշարը հենց այդ մասում, հատկապես եթե չի կատարվում պրոֆիլակտիկ մարմնամարզություն: Ինչպիսին էլ լինեն պատճառները, որոնք հանգեցրել են նշված պաթոլոգիային, բուժումը պետք է ուղղված լինի ոչ թե հաբերի ու բլոկադաների օգնությամբ ցավային համախտանիշի վերացմանը, այլ պարանոցային ողերն ու սկավառակները շրջապատող մկանների արյան շրջանառության վերականգնմանը: Միայն այդ պայմանով կարելի է հասնել վիճակի ստաբիլացման, մաշված սկավառակների հատվածներում մկանների կորսետային ֆունկցիայի ամրացման, նոր ճողվածքների գոյացման կանխման, և ֆիզիոլոգիական ճանապարհով բորբոքային պրոցեսի դադարեցմանը, ինչն էլ կհանգեցնի ցավերի անհետացմանը:

Ողնաշարի պարանոցային հատվածի մկանների հետ աշխատանքի ամենից անվտանգ օգնականը Բուբնովսկու բազմաֆունկցիոնալ բուժական մարզասարքն է, սակայն բուժական վարժությունների ընտրության համար անհրաժեշտ է որակավորված մասնագետի՝ բժիշկ-կինեզիթերապեվտի օգնություն:

Please follow and like us:

Դեմքի կինեզիթերապիան

Հավերժ երիտասարդ, գեղեցիկ ու ցանկալի լինելու համար բոլորս մշտապես փորձում ենք բազմազան միջոցներ՝ սկսած նորագույն կոսմետոլոգիական միջամտություններից մինչև մոռացած ժողովրդական մեթոդները: Ինչպես ասում են, դեմքը մարդու առաջին ու ամենաազդեցիկ այցեքարտն է, ուստի ծերացման առաջին նշանները մատնում է հենց դեմքը:

Այսօր ժամանակակից  կինեզիթերապիան, ի թիվս բազմաթիվ լրջագույն խնդիրների լուծման, հնարավորություն է ընձեռում պահպանել ոչ միայն մարմնի, այլ նաև դեմքի մշտական թարմությունն ու երիտասարդությունը:

Եվ օրթոպեդները, և կոսմետոլոգները, և ռեաբիլիտոլոգները գտնում են, որ դեմքի երիտասադությունը մեծապես կախված է պարանոցից: Շնորհիվ արյունատար անոթների և նյարդային վերջույթների տեղի է ունենում գլխուղեղի սնուցում, և դրանց նորմալ գործունեությունից կախված է և գլխի, և դեմքի մաշկի արյան շրջանառությունը:

Ողնաշարի հիվանդությունների, հատկապես պարանոցային օստեոխոնդրոզի դեպքում վատանում է պարանոցային հատվածի արյան հոսքը, այդ թվում գլխի և հետևաբար՝ դեմքի մկանների, ինչը անմիջականորեն ազդում մաշկի է վիճակի և մեր ընդհանուր տեսքի վրա:

Պարանոցային օստեոխոնդրոզի ժամանակ վնասվում են տրապեցիաձև  մկանները, և չստանալով բավարար սնունդ, կարող են հանգեցնել կուզի ձևավորմանը: Պարանոցի կողային հատվածների սպազմի դեպքում կողային մակերեսներին ու բերանի անկյուններում հայտնվում են ծալքեր:

Օստեոխոնդրոզի կանխարգելման համար անհրաժեշտ է հատուկ վարժություններ կատարել պարանոցի համար, որոնք նպաստում են ոչ միայն սրտանոթային հյուսվածքի նյութափոխանակության գործընթացների լավացմանը, այլ նաև ամրապնդում են ողնաշարի սյունը շրջապատող մկանները:

Պարանոցային հատվածը ողջ օրգանիզմի հենաշարժողական համակարգի բաղադրիչ է. անգամ առողջ ողնաշարում տեղի են ունենում դիստրոֆիկ փոփոխություններ, ողերը մաշվում են, կախ ընկնում: Հիպերլորդոզի ժամանակ, երբ պարանոցի դիմացի մասը առաջ է ընկած, փոխվում է դեմքի օվալը, ծնոտի տակի մաշկը կախվում է, ծալծլվում է ավելորդ հեղուկի ու ճարպի կուտակումներից: Ձևավորվում է կրկնակի ու եռակի ծնոտ:

Կնճիռների խնդրի հետ անմիջականորեն աշխատում են կոսմետոլոգները: Տվյալ դեպքում կինեզիթերապիայի խնդիրը նրանց օգնելն է հատուկ վարժությունների միջոցով: Այդ վարժությունները ուղղված են վերին ուսային հատվածի, ողնաշարի պարանոցային հատվածի վրա, և ըստ այդմ, երբ բարելավվում է արյան հոսքը, ավշային հոսքը, լավանում է ուսային, կրծքավանդակի և դեմքի մկանների ընդհանուր վիճակը:

Խորը և մակերեսային կնճիռները, ճակատին ու բերանի շուրջը առաջացած ծալքերը վկայում են ապրած տարիների մասին: Ավելին, առօրյա հոգսերը, ամենօրյա սթրեսներն ու մարմնի ընդհանուր հոգնածությունը, ֆիզիկական ցավերը անմիջապես արտահայտվում են դեմքի վրա: Կոսմետոլոգիական մեթոդները արդյունք կտան միայն ճիշտ սննդակարգի և պարբերական ֆիզիկական ակտիվության դեպքում, որոնք բացի ընդհանուր տեսքի ու առողջության վրա ունեցած ազդեցությունից, օգնում են հաղթահարել սթրեսներն ու ընդհանրապես խնդիրներին նայել այլ, բոլորովին նոր անկյունից:



Please follow and like us: