Էլիտ-Մեդ բժշկական կենտրոն

Երևան, Հակոբ Հակոբյան 3/15

Էլ.հասցե:

[email protected]

Աշխատանքային ժամեր

Երկ-Շբթ: 8.30am - 7.00pm

Title

Autem vel eum iriure dolor in hendrerit in vulputate velit esse molestie consequat, vel illum dolore eu feugiat nulla facilisis at vero eros et dolore feugait.

Tag Archive

Վիտամիններ, որոնք ցուցված են կանանց. Ինչպես կողմնորոշվել

Հազիվ թե որեւէ մեկը կասկածի, որ վիտամինները օգնում են առողջության բարելավմանը: Սակայն դրանց մեծ մասը մեր օրգանիզմում չի սինթեզվում: Ինչպես հասկանալ, որ առկա է վիտամինների պակաս եւ ինչպես ընտրել վիտամինային –ճիշտ համալիր:

Վիտամիններ ` միֆ, թե  իրականություն:

Առաջին հերթին պետք չէ մոռանալ, որ տղամարդիկ եւ կանայք ունեն տարբեր հորմոնալ համակարգեր: Կանանց մարմինը ավելի շատ է ենթարկվում արտաքին գործոնների անբարենպաստ ազդեցությանը: Կանանց ոսկրային հյուսվածքները ավելի փխրուն են, եւ նույնիսկ ատամների գույնը ավելի արագ է խամրում: Հետեւաբար, կանայք ավելի հաճախ պետք է ընդունեն հավելյալ վիտամիններ՝ օրգանիզմի կայուն վիճակն ապահովելու համար:

Վիտամինների բացակայության նշանները` հիպովիտամինոզը կամ վիտամինների պակասը, ազդում է արտաքին տեսքի, վարքագծի եւ ինքնազգացողության վրա, հետեւաբար երբեմն բավական է նայել հայելու մեջ, հասկանալու համար, որ ժամանակն է լրացնել այն: Ռիսկի տակ են այն մարդիկ, ովքեր տառապում են վարակիչ կամ վիրուսային հիվանդություններով, ցածր կալորիականությամբ դիետայի կողմնակիցներ են, չարաշահում են ծխախոտը եւ ալկոհոլը, ինչպես նաեւ նրանք, ովքեր չափից շատ են աշխատոում եւ հաճախ ենթարկվում են սթրեսների:

Օգտակար նյութերի պակասն առաջանում է, երբ մեկ կամ մի քանի պատճառով խանգարվում է մարսողական գործընթացը: Ի դեպ, մազերը շատ ավելի դիմացկուն են պատահական գործոնների ազդեցության նկատմամբ, քան մաշկը եւ եղունգները: Ահա թե ինչու առաջին հերթին մազերի անառողջ տեսքն է վիտամինների եւ միկրոէլեմենտների պակասի վառ ապացույցը:

Ահա որոշ վառ նշաններ, որոնք ցույց են տալիս կոնկրետ նյութերի պակասը: Արմունկների եւ կրունկների չոր մաշկը, մազերը բարակումը, ճաքճքած շուրթերը – վիտամին A; ախորժակի բացակայություն, նիհարություն, փխրունություն – վիտամին B1; թուլություն, գլխացավեր, չոր շրթունքներ, վատ տեսողություն, հատկապես գիշերը` վիտամին B2: քնի խանգարում եւ ախորժակի կորուստ, հաճախակի եւ ուժեղ գլխացավեր, դեմքի մաշկի կարմրում` վիտամին B6; հիշողության խնդիրներ, վաղ սպիտակող մազեր, առաջադեմ կնճիռներ – վիտամին B9; քրոնիկական հոգնածություն, տագնապ, գլխապտույտ – վիտամին B12; կապտուկներ ամենափոքրիկ վնասվածքներից, արյուն ատամները մաքրելիս,  յուրահատուկ տհաճ հոտ բերանից՝ վիտամին C: ոտքերի, մկանների ցավ, մշտական հոգնածություն, դեպրեսիա՝վիտամին D.

Հիպավիտամինոզը հաճախ թաքնված է ընթանում: Եվ, ցավոք, այս խնդիրը շատ տարածված է: Նման դեպքերում ողջամիտ է վիտամինների ու հանքային համալիրների՝ պրոֆիլակտիկ նպատակներով  ընդունումը՝ գեղեցկության եւ առողջության պահպանման համար:

Խնամքի միջոցներ կիրառելիս կանայք հազվադեպ են հաշվի առնում, որ մաշկը սնուցող նյութերով հագեցնելու ամենաարդյունավետ միջոցը ներսից է:

Քչերն են հիշում, որ մեր մաշկի հիմնական գործառույթը մարմինն արտաքին ազդեցություններից պաշտպանելն է, ուստի այն չափազանց դժվար է ցանկացած նյութ կլանում դրսից: Իրավիճակը նույնն է նաև մազերի հետ. Մազերն ինքնին մեռած հյուսվածք են, որը գրեթե չի կարող որեւէ օգտակար նյութ ներծծել: Մազերը ձեւավորման փուլում ֆոլիկուլից ստանում են անհրաժեշտ օգտակար նյութերը: Հետեւաբար մազի գեղեցկության համար վիտամինների արդյունավետության մասին կարելի է եզրակացնել դրանց օգտագործումից միայն երեք ամիս հետո: Ցանկացած կրեմ եւ դիմակ կարող է միայն ժամանակավոր ազդեցություն ունենալ: Մաշկը եւ մազերը պետք է հագեցած լինեն սնուցող նյութերով եւ վիտամիններով ներսից:

Ինչպես ընդունել ճիշտ վիտամինների համալիրը.

 Հիպովիտամինոզի դեմ պայքարի լավագույն միջոցը բազմազան սննդակարգն է: Այնուամենայնիվ, օրվա ընթացքում սպառվող մթերքներում վիտամինների կոնցենտրացիան հազվադեպ է հասնում ամենօրյա անհրաժեշտ քանակին: Եվ նույնիսկ եթե այն բավարար է, ապա նրանց բիոանվտանգությունը, ասիմիլացիայի աստիճանը, որպես կանոն, հեռու է անհրաժեշտ մակարդակից: Ցանկալի է վիտամիններ ընդունել առավոտյան, սակայն դեղաքանակը օրվա ընթացքում մի քանի անգամ կարելի է կրկնել: Ավելի լավ է «ուտել» վիտամինները ճաշի ընթացքում կամ անմիջապես հետո՝խմելով դրանք սովորական ջրով: Այսպիսով նրանք անմիջապես կապվում են սննդի սպիտակուցների հետ եւ ավելի լավ են կլանվում: Խորհուրդ չի տրվում խառնել դրանք կաթի մեջ, գազավորված ջրի եւ սուրճի հետ, ինչը կխոչընդոտի կալցիումի լիակատար կլանմանը:

Please follow and like us:

Վիտամին B12-ի մասին

Վիտամին B 12-ը բոլոր տեսակի վիտամինների մեջ ամենից լայն տարածում ունեցող և ամենից բարդ վիտամինն է, որը պարունակվում է միայն կենդանական ծագում ունեցող սնունդում:  Բույսերն այն չեն արտադրում և դրանց բաղադրության մեջ այն երբևէ չի մտնում: Չնայած դրան, շատերը որոշում են առհասարակ խուսափել այդ վիտամինը պարունակող սննդամթերքից: Չափազանց կարևոր է, որ այդ մարդիկ լրացնեն իրենց դիետան և մշտապես վերահսկեն վիտամին B 12-ի մակարդակը իրենց օրգանիզմում, քանի որ դրա պակասը կարող է հանգեցնել լուրջ հետևանքների:

Ջրում լուծվող վիտամին B12-ն ունի որոշիչ նշանակության ուղեղի, նյարդային համակարգի, արյան կարմիր գնդիկների առաջացման և ԴՆԹ-ի համար:

Այդ վիտամինը ստեղծվում է բացառապես կենդանիների աղիներում բակտերիաների կողմից:  Այնուհետ այն տեղափոխվում է աղիներից դեպի մկանները: Դրա լավագույն աղբյուրը բարձր դասի վայրի կենդանիներն են, ձկներն ու ծովամթերքը:

Վիտամին B12-ի ներծծումն ու բիոհասանելությունը կարող են տարբեր լինել՝ կախված դրա ստացման աղբյուրից:  Մսից և ձկնամթերքից ստացված վիտամինի մոտ 50 տոկոսը ներծծվում է արյան մեջ: Մինչդեռ ձվերից ստացվող վիտամինի միայն 9 տոկոսն է հասանելի: Կաթը, տարօրինակորեն, այդ վիտամինի չափազանց փոքր աղբյուր է հանդիսանում:

Վիտամին B12-ի դեֆիցիտի վաղ, թույլ արտահայտված ախտանիշները այսպիսին են.

-հոգնածություն,

-դեպրեսիա,

-տագնապալիություն,

-ախորժակի կորուստ,

-գունատություն,

-ձեռքերի ու ոտնաթաթերի ծակծկում և ընդարմացում,

-հիշողության վատացում:

Վիտամին B12-ը որոշիչ նշանակություն ունի ուղեղի աշխատանքի համար, ուստի զարմանալի չէ, որ հիշողության ու մտավոր աշխատանքի  հետ կապված խնդիրները այդ վիտամինի պակասի ամենից ցայտուն ու հաճախ հանդիպող հետևանքներն են:

Վիտամին B12-ի դեֆիցիտի չորս փուլերը.

Դեֆիցիտը ենթադրում է 4 փուլ: Առաջին և երկրորդ փուլերում սպառվում են պահուստները: Երրորդ փուլում արյան մեջ պարունակվող հոմոցիստեին կոչվող ամինաթթուները սկսում են ավելանալ:

Միայն չորրորդ փուլում է, որ կլինիկական նշանները սկսում են երևան գալ:Հնարավոր է մի քանի տարի անցնի, մինչև այդ վիտամինի դեֆիցիտը սկսի ի հայտ գալ: Դա այն պատճառով է, որ չափահաս մարդու օրգանիզմում պարունակվում է 2-5 մգ վիտամին B12, որի կեսը գտնվում է լյարդում: Այդքանը բավարար է, որ B12-ը բավականացնի 3-5 տարի, չնայած դեֆիցիտը կարող է արտահայտվել նաև ընդամենը  մեկ տարվա ընթացքում, եթե սկզբնական պաշարը ինքնին քիչ է:

Սուր դեֆիցիտը կարող է անդառնալի հետևանքներ թողնել ուղեղի ու նյարդային համակարգի վրա և դեմենսիայի պատճառ դառնալ: B12-ի ցածր մակարդակը կարող է կապված լինել նաև Պարկինսոնի հիվանդության զարգացմամբ:

Վիտամին B12-ի դեֆիցիտը և երեխաները

Այս վիտամինի դեֆիցիտը երեխաների և դեռահասների համար նույնիսկ ավելի ակտուալ է: Հղիության ընթացքում պտուղը լյարդում կուտակում է վիտամինի որոշակի քանակ, և այդ պաշարը կարող է բավականացնել ծննդից հետո մի քանի ամիս: Սակայն եթե մայրը ուղղակի կամ անուղղակի կերպով երեխային ենթարկում է վիտամին B 12-ից զատ սննդային դիետայի, ապա երեխան բավական արագ իր վրա կրելու է դրա դեֆիցիտի ազդեցության հետևանքները:

Գործնականում B12-ի դեֆիցիտ ունեցող մայրերից կերակրվող երեխաները կարող են տառապել կենտրոնական նյարդային համակարգի լրջագույն ու անդառնալի պաթոլոգիաներով:

B12-ի դեֆիցիտի մասին տվյալների մեծամասնությունը ստացված է  բուսակեր կերակրող մայրերի շրջանում կատարված ուսումնասիրություններից: Դա կապված է այն բանի հետ, որ հենց սննդակարգում B12-ի պակասը հանդիսանում է դեֆիցիտի ամենից տարածված պատճառ, իսկ դրա դեֆիցիտից տառապող երեխաները հիմնականում բուսակեր մայրերինն են:

Երեխաների մոտ դեֆիցիտի տիպիկ դեպքերը ներառում են.

-ուղեղի զարգացման խախտում

-ընդհանուր աճի և զարգացման խախտում,

-պասիվություն,

-ջղաձգումներ,

-դյուրագրգիռություն

-սակավարյունություն:

Կարևոր է, որ բուժումը սկսվի ժամանակին: Սովորաբար երեխային ներարկում են վիտամինի բավական մեծ դոզաներ անմիջապես մկանի մեջ 4 օրվա ընթացքում, երբեմն նաև խմեցնում են լրացուցիչ չափաբաժին: Բարեբախտաբար, եթե բուժումը նշանակվում է վաղ, ապաքինումը բավական արագ է տեղի ունենում, և ախտանիշերը կարող են զգալի թուլանալ մի քանի օրվա ընթացքում:

Ամեն դեպքում, բացահայտված և հիմնավորված է այն, որ առանց բուժման՝ զարգացման լուրջ և մշտական խախտման ռիսկը բավական մեծ է:

Please follow and like us: